Oblystyq polısııa departamenti baspasóz qyzmetiniń deregine qaraǵanda, erli-zaıyptynyń ólimine qatysty qylmysqa Mahambet aýdanynyń 29 jastaǵy turǵyny kúdikti retinde tanylyp otyr.
«Erli-zaıyptynyń qyzy men balasy iz-túzsiz joǵalý deregimen izdestirilip jatyr. Al kúıeý balasyna el aýmaǵynda bolmaýyna baılanysty halyqaralyq izdeý jarııalandy. Kúdiktiniń áıeli – múrdesi tabylǵan erli-zaıyptynyń qyzy iz-túzsiz joǵalǵan. Ony izdeý qolǵa alyndy», dep habarlady departamenttiń baspasóz qyzmeti.
Áleýmettik jelide erli-zaıyptynyń 1990 jylǵy qyzy Mıramgúldiń múrdesi tabyldy degen aqparat taraǵan edi. Alaıda, departamenttiń baspasóz qyzmeti bul aqparatty joqqa shyǵardy.
«Erli-zaıyptynyń múgedek qyzynyń kóshe kamerasyna túskeni ras. Polısııa qyzmetkerleri bul derekti tekserip, zerdeleý júrgizip jatyr. Mundaı derektiń bári sotqa deıingi tergeý materıaldaryna tirkeledi», dep málimdedi departamenttiń baspasóz qyzmetinen.
Eske salaıyq, iz-túzsiz joǵalyp ketken atyraýlyq erli-zaıypty jer qoınyna tapsyryldy.
Keıinirek, joǵalǵan otbasynyń qyzy men balasyn súńgýirler izdep, taba almaǵany habarlandy.
